Hadisə

2 nəfər ölümündə şübhəli bilinən şəxs saxlanıldı - YENİLƏNİB

28 Noyabr 2024 09:28

Baxış: 1 416

VTB-də minimal faiz dərəcəsi ilə nağd kredit 9.9%-dən

#QƏZA #YOL QƏZASI

Şəkidə yol-nəqliyyat hadisəsi baş verib.

Milli.Az bildirir ki, 27.11.2024-cü il tarixdə, saat 22:20 radələrində 1994-cü il təvəllüdlü, Şəki şəhər sakini Əzizli Turan Vidadi oğlu idarə etdiyi "Opel Astra" markalı avtomobillə Şəki şəhəri, M.F.Axundzadə küçəsi ilə 20 Yanvar küçəsi istiqamətində hərəkətdə olarkən yolun əks hərəkət hissəsinə çıxaraq, ehtiyatsızlıqdan həmin hərəkət hissəsi hərəkətdə olan Abdullayev Natiq Vaqif oğlunun idarə etdiyi "Haojue" markalı motosikleti vurmub.

Nəticədə həmin motosiklin sürücüsü, 1982-ci il təvəllüdlü Abdullayev Natiq Vaqif oğlu və sərnişini, 1978-ci il təvəllüdlü Camalov Mehman Ramiz oğlu müxtəlif dərəcəli bədən xəsarətləri alaraq hadisə yerində ölüblər.

Faktla bağlı Şəki ŞRPŞ-nin İstintaq bölməsində Azərbaycan Respublikası CM-nin 263.3-cü maddəsi ilə cinayət işi başlanaraq ibtidai istintaq aparılır.

Əzizli Turan Vidadi oğlu iş üzrə şübhəli şəxs qismində tutulmuşdur.

---------

00:53

Noyabrın 27-də saat 22 radələrində Şəki şəhərində "Opel" markalı avtomobillə motosiklet toqquşub.

DİN-in Mətbuat Xidmətinin Şəki regional qrupundan Milli.Az-a bildirilib ki, hadisənəticəsində motosikletin sürücüsü, 1978-ci il təvəllüdlü Mehman Camalov və sərnişini, 1982-ci il təvəllüdlü Natiq Abdullayev aldıqları xəsarətlərdən hadisə yerində ölüblər.

Faktla bağlı cinayət işi başlanılıb, araşdırma aparılır.

Milli.Az