Hadisə

Bu ilin 6 ayında avtomobil qəzalarında ölən və yaralanların sayı açıqlandı

13 Avqust 2024 15:01

Baxış: 676

VTB-də minimal faiz dərəcəsi ilə nağd kredit 9.9%-dən

#QƏZA #YOL QƏZASI

2024-cü ilin yanvar-iyun aylarında 681 və ya 2023-cü ilin müvafiq dövrü ilə müqayisədə 12.7 faiz az yol-nəqliyyat hadisəsi baş verib.

Milli.Az xəbər verir ki, bu barədə Dövlət Statistika Komitəsi məlumat yayıb.

Bildirilib ki, bu hadisələr nəticəsində zərər çəkən şəxslərin sayı 11.8 faiz azalaraq 931 nəfər olub. Onlardan 333-ü həlak olub, 598-i isə yaralanıb. Hadisələrin 42.4 faizi gündüz, 39.2 faizi gecə, 18.4 faizi isə toran vaxtı baş vermiş, 27.3 faizi həftənin şənbə və bazar günlərinə təsadüf edib.

Yol-nəqliyyat hadisələrinin 86.5 faizi yaşayış məntəqələrində baş verib, bu hadisələr nəticəsində həlak olanların sayı ötən ilin müvafiq dövrünə nisbətən 17.4 faiz azalaraq 242 nəfər, yaralananların sayı isə 13.5 faiz azalaraq 557 nəfər olub.

Bütün yol-nəqliyyat hadisələrinin 40.1 faizi nəqliyyat vasitələrinin və piyadaların, 38.2 faizi bir neçə nəqliyyat vasitəsinin, 21.7 faizi isə bir nəqliyyat vasitəsinin iştirakı ilə baş verib. Yol-nəqliyyat hadisələri nəticəsində həlak olanların 74.5 faizini, yaralananların isə 73.2 faizini kişilər təşkil edib.

Nəqliyyat vasitələrinin sərxoş vəziyyətdə idarə olunması səbəbindən ölümlə və ya bədən xəsarəti alınması ilə nəticələnən 13 hadisə baş verib, nəticədə 5 nəfər həlak olub, 9 nəfər yaralanıb. Hadisələrin 11-i minik avtomobillərinin sürücüləri tərəfindən törədilib.

Milli.Az
Xəbərlərimizi WhatsApp kanalımızdan da oxuyun