Hadisə

Bakıda ŞOK OLAY: maşını qəsdən aşırdıb qadını öldürdü

19 İyul 2024 18:07

Baxış: 2 968

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #QƏZA #AVTOMOBİL

İyulun 3-də Yasamal rayonu, Kənar Dairəvi yolda "Cherry" markalı avtomobilin dərəyə aşması nəticəsində 42 yaşlı Günay Əkbərovanın ölməsi, 34 yaşlı Mustafa Nəcəfovın isə xəsarətlər alması faktı ilə bağlı Yasamal rayon prokurorluğunda cinayət işi başlanıb.

Baş Prokurorluğun mətbuat xidmətindən Milli.Az-a verilən xəbərə görə, ibtidai istintaq zamanı Mustafa Nəcəfovun idarə etdiyi avtomobili qəsdən dərədən aşağı aşırması nəticəsində sərnişin Günay Ələkbərovanın hadisə yerində ölməsi, özünün isə müxtəlif dərəcəli bədən xəsarətləri almasına əsaslı şübhələr müəyyən edilib.

Mustafa Nəcəfov iş üzrə Cinayət Məcəlləsinin 120.1-ci (qəsdən adam öldürmə) maddəsi ilə təqsirləndirilən şəxs qismində cəlb edilib və hazırda xəstəxanada müalicəsinin davam etdirilməsi nəzərə alınaraq barəsində polisin nəzarəti altına vermə qətimkan tədbiri seçilib.

Cinayət işi üzrə ibtidai istintaq davam etdirilir.

Milli.Az
Xəbərlərimizi WhatsApp kanalımızdan da oxuyun