Hadisə

Hərbçi uşaqların gözü qarşısında qumbara partlatdı - VİDEO

16 Sentyabr 2023 23:15
Baxış: 1 300

Kazanda (Tatarıstan, Rusiya) hərbi geyimli sərxoş şəxs yaşayış binasının həyətində uşaqların və qadınların gözü qarşısında qumbara partladıb.

Milli.Az oxu.az-a istinadən xəbər verir ki, baş verənlər binaya quraşdırılmış domofonun kamerasında qeydə alınıb.

Kadrlarda binanın həyətindəki skamyada "Z" şevronu olan kamuflyaj geyimində kişinin yanında əyləşən qadınla və onlardan bir-iki metr aralıda dayanan 8-10 yaşlı uşaqla söhbət etdiyi görünür. Danışıqlardan məlum olur ki, kişi qumbara partlatmaq istəyir, hətta uşağa sursatın halqasını çəkməsini təklif edir. Bu vaxt onun yanında oturan qadın onu fikrindən daşındırmağa çalışır, ancaq buna nail olmur: kişi əlindəki qumbaranı uşağın arxasındakı bağçaya atır, həmin an partlayış səsi eşidilir.

Bu vaxt baş verənləri kənardan izləyən başqa bir qadın isterika keçirir. Hərbçi isə heç nə olmamış kimi, sursatın "adi" səs qumbarası olduğunu deyir.

Yerli mediada verilən məlumata görə, hərbçi artıq polis tərəfindən saxlanılıb.

Milli.Az

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics