Texnologiya

Microsoft və Yahoo! barışdılar

21 Aprel 2015 21:45
0 Şərh     Baxış: 1 810
VTB-də minimal faiz dərəcəsi ilə nağd kredit 9.9%-dən
#MİCROSOFT CORP #YAHOO INC
Microsoft və Yahoo! şirkətləri arasındakı əməkdaşlığın pozulması haqda yayılmış şayiələrin əksinə olaraq ABŞ şirkətləri internet axtarış bazarında yeni razılaşma imzalayıblar. Müqavilə Yahoo!-nun kompüter və mobil qurğularda axtarış nəticələri üzərində nəzarətinin güclənməsini nəzərdə tutur.

Milli.Az ICTnews-a istinadən bildirir ki, 2009-cu ildə Yahoo! və Microsoft şirkətlərinin imzaladığı 10 illik razılaşmaya əsasən, Yahoo! axtarış sistemi Bing mühərrikindən istifadəyə başlayıb və Microsoft korporasiyası tərəfdaşının axtarış sistemində reklam satışlarından 12 faiz gəlir əldə edib.

Yahoo! rəhbərliyi doğrulmamış ümidlər səbəbindən dəfələrlə bu birliyi pozmaq niyyətini elan edib. Müqavilə müddətinin yarısının başa çatması (2015-ci ilin fevralında) ilə əlaqədar şirkətlər əməkdaşlığı bitirə və ya onun şərtlərinə yenidən baxa bilərdilər. Məlum olduğu kimi, şirkətlər ikinci variantı seçiblər.

Yeni razılaşmaya əsasən, fərdi kompüter istifadəçiləri tərəfindən generasiya edilən axtarış trafikinin 51 faizinə Bing Ads reklamı, digər hissəsinə Yahoo Gemini və ya tərəfdaşların reklamı əlavə ediləcək. Yeni razılaşma hər iki tərəf üçün qarşılıqlı sərfəli görünür.

comScore analitik şirkətinin 2015-ci ilin fevralına olan məlumatına əsasən, ABŞ-ın internet axtarış bazarında Yahoo! və Bingin birgə payı 32,6 faizədək yüksəlib. Xatırladaq ki, 2009-cu ildə bu göstərici 28 faiz idi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.