Texnologiya

Kvant televizorlar satılacaq

17 Dekabr 2014 23:25
0 Şərh     Baxış: 2 124
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #CONSUMER ELECTRONİCS SHOW
Cənubi Koreyanın LG şirkəti CES-2015 sərgisində kvant nöqtəli televizor təqdim edəcək. 2015-ci ilin sonunadək satışa çıxarılacaq televizorların ekranının təsvir ölçüsü 4K (3640 x 2160 piksel) təşkil edəcək. Bu barədə şirkətin məlumatında deyilir.

Milli.Az ICTnews-a istinadən bildirir ki, kvant nöqtələrdən istifadə rəngverməni hazırda bu parametr üzrə ən yaxşısı hesab edilən OLED displeylərə nisbətən daha dəqiq ötürən televizorlar yaratmağa imkan verir. Qalınlığı atomların cəmi 20 qatını təşkil edən kvant nöqtələr 2-10 nanometr ölçülü kiçik kristallardır. Onlar ölçüdən asılı olaraq mövcud işıq mənbələrinə nisbətən dar diapazonda işığı şüalandırır. Bu, rəngvermənin dəqiqliyini artırmağa imkan verir.

Əvvəllər kvant nöqtəli ekranları Sony şirkəti KD-65X9000A televizor modelində, eləcə də Amazon istehsalçısı Kindle Fire HDX planşetində təqdim edib. Daha sonralar Çinin TCL şirkəti bu texnologiyalı qurğular nümayiş etdirib.

LG dünyada televizorların 17 faizini tədarük edir. Bu isə texnologiyanın kütləvi şəkildə tətbiqi deməkdir. Bu növ ilk qurğuların qiymətinin yüksək olacağı gözlənilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.