Texnologiya

Sosial şəbəkələrin inkişafı dayanıb

30 Noyabr 2014 21:54
0 Şərh     Baxış: 1 801
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #FACEBOOK, INC. #СОЦСЕТИ #SOSİAL ŞƏBƏKƏLƏR
Global Web Index təşkilatı internetdə apardığı tədqiqatın nəticələrini dərc edərək iri sosial şəbəkələrin auditoriyasının artım tempini təhlil edib. 

Milli.Az ICTnews-a istinadən bildirir ki, Facebook sosial şəbəkəsi artıq fəal auditoriya toplamaq iqtidarında deyil. Güman edilir ki, nəhəng sosial şəbəkəni uzunmüddətli tənəzzül gözləyir.

Buna baxmayaraq Facebook aktiv istifadəçilərin sayına (1,35 milyard) görə dünya lideri olaraq qalır. Lakin görünür, Mark Sukerberqin rəhbərlik etdiyi şəbəkə ən yüksək artım səviyyəsinə çatıb və bunun da nəticəsində artım tempinə görə yeni servislərdən xeyli geri qalır. Belə ki, Tumblr sosial şəbəkəsinin aktiv istifadəçi bazası il ərzində 120 faiz artdığı halda həmin müddət ərzində Facebook-un artımı cəmi 2 faiz yüksəlib. Pinterest sosial şəbəkəsində qeydiyyatdan keçən istifadəçilərin sayı 57 faiz, Facebook-da 6 faiz artıb. Instagram, LinkedIn, Twitter, YouTube və Google+ şəbəkələri Facebook-dan daha sürətli populyarlıq qazanırlar.

Mobil əlavələr seqmentində də vəziyyət oxşardır. Facebook ən populyar əlavə olaraq qalsa da, artım tempinə görə rəqiblərindən xeyli geri qalır. Belə ki, Snapchat şəbəkəsi il ərzində istifadəçi bazasını 56 faiz artırıb. Oxşar nəticələri Instagram şəbəkəsi də nümayiş etdirib. Artım yalnız Facebook Messenger əlavəsində qeydə alınıb.

Hazırda dünyada 3 milyard insan internetdən istifadə edir ki, onun da 1,35 milyardı Facebook-a daxil olur. Bununla yanaşı, Facebook istifadə aktivliyinə görə əsas rəqibləri - Twitter və Google+ şəbəkələrini xeyli üstələyir.

Ekspertlər Facebook-un artımını zəiflədən əsas amil kimi Çində sosial şəbəkədən istifadənin qadağan olunmasını hesab edirlər. Bu ölkənin ərazisində servisdən yararlanmaq imkanından məhrum olunan 1 milyarddan çox insan yaşayır. M.Sukerberqin bu yaxınlarda Çinə etdiyi səfərin bu məsələ ilə bağlı olduğu güman edilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.