Texnologiya

Yahoo! yeni şirkət aldı

9 Sentyabr 2014 23:00
0 Şərh     Baxış: 1 962
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #YAHOO INC #İNTERNET
ABŞ-ın Yahoo! şirkəti Luminate reklam xidmətini satın alıb. Razılaşmanın qiyməti açıqlanmayıb.

Milli.Az ICTnews-a istinadən bildirir ki, Luminate xidməti rəqəmli təsvirlərin üzərinə reklam yerləşdirilməsi ilə məşğul olur. Rəsmi saytda Luminate-in nümayəndələri bu faktı təsdiq ediblər. Həmçinin bildirilib ki, startap sentyabrın 3-də işini dayandırıb. Ayın sonunadək servisin xidmətlərindən istifadə etmiş elan verənlərin Luminate hesablarındakı pulları geri qaytarılacaq. Sistemin bütün istifadəçilərinin hesablarına giriş yalnız oktyabrın 1-dək təmin ediləcək.

Belə görünür ki, Yahoo! öz reklam işini gücləndirmək niyyətindədir. 2014-cü ilin ikinci rübündə şirkətin reklam nümayişindən qazanılan gəliri 8% azalaraq 453 milyon dollar təşkil edib. İnternet şirkətinin direktoru Marissa Mayer deyib ki, mənfi amillərin təsirini azaltmaq üçün reklam bazarında daha sürətli işləmək lazımdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.