Şirkətlərlə alimlər protokolu qorumaq istəyirlər

Milli.Az ICTnews-a istinadən bildirir ki, təşəbbüsün əsas məqsədi TCP/IP protokollarını əvəz edərək praktikada tətbiq olunan protokollar toplusunun hazırlanması, eləcə də şəbəkələrin dayanıqlığını və mühafizəsini artırmaqdan ibarətdir.

Bundan başqa, yeni sistemin hazırda ötürülən kontenti daha yaxşı emal etməyə və mürəkkəb əlavələrin yaradılmasını sadələşdirməyə kömək edəcəyi bildirilir.

Problemin müzakirəsində iştirak edən mütəxəssislər sırasına həmçinin Los-Anceles Kaliforniya Universiteti, San-Dieqo Kaliforniya Universiteti, Kolorado Universiteti, Arizona Universiteti, Çinin Sinhua və Tuntszi universitetləri, Cənubi Koreyanın Anyanqa Universiteti, Yaponiyanın Vaseda Universitetinin alimləri daxildir. Bundan əlavə, görüşdə Intel, Huawei, Alcatel-Lucent, Qualcomm, Comcast və Orange şirkətlərinin ekspertləri iştirak ediblər.

Named Data Networking (NDN) üzərində işə uzun müddətdir başlanıb, onun maliyyələşdirilməsinə 2010-cu ildə NSF tərəfindən start verilib. Problemin tədqiqinin daha da irəliyə getməsi üçün ekspertlər açıq çıxış kodlu proqram təminatı yaratmağı planlaşdırırlar.

Mütəxəssislərin sözlərinə görə, onlar informasiyanın yayılması və məlumatların məxfiliyi arasında balansı saxlamaq niyyətindədirlər. Onların fikrincə, mövcud protokollar lazimi effekt vermir, NDN isə bu sahədə uğur qazanmaq üçün bütün imkanlara malikdir.

TCP/IP şəbəkələrdə, o cümlədən internetdə istifadə edilən şəbəkə məlumat ötürmə protokolları toplusudur. TCP/IP adı bu standartda ilk dəfə yaradılaraq təsvir edilən iki vacib protokol ailəsinin - Transmission Control Protocol (TCP) və Internet Protocol (IP) adından götürülüb. TCP/IP 1970-ci ildə ABŞ hökumətinin xüsusi Advanced Research Project Agency (ARPA) şöbəsi tərəfindən maliyyələşdirilən tədqiqatlar nəticəsində təşəkkül tapıb. Protokollar bütün şəbəkələri vahid virtual şəbəkədə (internetwork) birləşdirəcək ümumi standart kimi hazırlanıb.

Milli.Az