Texnologiya

Nə qədər domen var?

12 Aprel 2014 23:27

0 Şərh Baxış: 1 269

#İNTERNET #VERİSİGN INC

Verisign şirkətinin domen sənayesinin inkişafı haqqında hesabatına əsasən, 2013-cü ildə internetdə 271 milyon domen adı qeydiyyatdan keçirilib. Xatırladaq ki, Verisign şirkəti .com, .net və .org domen zonalarının administratoru funksiyasını yerinə yetirir.

Milli.Az ICTnews-ə istinadən bildirir ki, Verisign şirkətinin məlumatına görə, 2013-cü ilin son üç ayı ərzində internetdə domen bazasının təmiz artımı 5 milyon ad təşkil edib. 2013-cü ildə 271 milyon domen işləyib ki, bu da ötən illə müqayisədə 18,5 milyon yüksəkdir. Hazırda .com domen zonasında 112 milyondan çox domen işləyir və ən böyük domen zonası adını özündə saxlayır. İkinci yerdə Sakit okeanda Tokelau ada dövlətinə məxsus .tk domen zonası yer alıb.

Məlum olduğu kimi, .tk domen zonasında qeydiyyat ödənişsizdir. Qeydiyyat sisteminin ödənişsiz olması fırıldaqçıları və kibercinayətkarları bu domen zonasına cəlb edir. Google şirkətinin rəsmiləri hələ ötən il bildirmişdilər ki, onun axtarış sistemi bu zonanı indeksləşdirməyəcək.

Domenlərin sayına görə üçüncü yerdə 18 milyon domen adına məxsus Almaniya milli zonası, dördüncü yerdə .net domeni qərarlaşıb.

Milli.Az