Texnologiya

Satış sürətləri azalacaq

14 Dekabr 2013 15:50
0 Şərh     Baxış: 1 031
VTB-də minimal faiz dərəcəsi ilə nağd kredit 9.9%-dən
#CİSCO SYSTEMS INC
Cisco Systems şirkəti inkişaf edən bazarlara malik olan ölkələrdə satışların zəifləməsi fonunda yaxın 3-5 ildə satış həcmlərinin azalmasını proqnozlaşdırır.

Milli.Az ICTnews-a istinadən bildirir ki, hazırda Cisco qeyd edilən müddətdə artımın 3-6%-dən çox olmayacağını proqnozlaşdırır, halbuki bir müddət öncə 5-7%-dən söhbət gedirdi.

Ciscoda qeyd ediblər ki, şirkət iri müştərilər arasında marağın azalmasının şahidi olub. Eyni zamanda bu, Avropa, Asiya və inkişaf edən ölkələrə aiddir. Gələn il analitiklər şirkətin hazırkı baş direktoru Con Çembersin istefasını gözləyirlər. Proqnozlara əsasən, Cisconu gələn il 4%, 2015-ci ildə isə 8% mədaxil gözləyir.

Cisconun satışlarının həcmlərinə təsir göstərən amillərdən biri də ABŞ-ın Milli Təhlükəsizlik Agentliyilə bağlı qalmaqalı qeyd etmək olar. Cisco Systemsin baş direktoru Con Çembersin sözlərinə əsasən, hazırda sahədə hələ də şəbəkə qurğularının satışında artım tendensiyaları müşahidə olunur, çünki internet-trafikin həcmləri artır, lakin şirkət Edvard Snoudenlə bağlı qalmaqalla eyni vaxtda 25% templəri azaldıb. Satış həcmlərinin azalması daha çox ABŞ-dan kənarda hiss edilir.

Bu ilin iyun ayında Çinin ingilisdilli qəzeti Global Times bildirib ki, Çin hökumətinin Cisco şirkətinin ABŞ-ın Milli Təhlükəsizlik Agentliyi ilə əməkdaşlıq etdiyi ilə bağlı təkzibedilməz sübutları olduğunu bəyan edib. Bu bəyanatdan sonra Cisco şirkəti heç vaxt casusluqla məşğul olmadığı haqda rəsmi məlumat dərc edib.

Buna baxmayaraq Çin hələ də bu məsələni şişirdən nəşrlər yerləşdirməkdə davam edir, çünki ABŞ-da Huawei şirkəti haqda analoji ittihamlarla qarşılaşır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.