Texnologiya

Foxconn 500 iş yeri açacaq

26 Noyabr 2013 19:17

0 Şərh Baxış: 1 251

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #HON HAİ PRECİSİON INDUSTRY CO LTD

Hon Hai Precision Industry Co şirkəti (Foxconn brendi) kontrakt biznesinin şaxələndirilməsi proqramının həyata keçirilməsi çərçivəsində ABŞ-da istehsal xəttinin inkişafına 40 milyon dollar investisiya yatırmaqla bağlı planlarını açıqlayıb.

Təxminən 30 milyon dollarlıq vəsaitin 2 il ərzində Harrisberq şəhərində (Pensilvaniya ştatı) 500 iş yerinin yaradılmasına xərclənməsi nəzərdə tutulur. Daha 10 milyon dolların istehsalın robotlaşdırılması üzrə Karneqi-Mellon Universitetinin alimləri ilə birgə həyata keçiriləcək elmi tədqiqat işlərinin aparılmasına yönəldiləcəyi gözlənilir.

Milli.Az ICTnews-a istinadən bildirir ki, hazırda Tayvan ticarət nümayəndə heyəti ilə birlikdə ABŞ-da rəsmi səfərdə olan Hon Hai Group sədri və prezidenti Terri Qou bildirib ki, ABŞ-da yatırılacaq investisiyalar brend qurğuların istehsalı üçün nəzərdə tutulmayıb.

Biz Çində fəaliyyət göstərən istehsal xətlərini bura köçürmək fikrində deyilik. Bizim məqsədimiz ABŞ-da gələcək texnoloji yenilikləri həyata keçirmək üçün əlverişli maya dəyəri ilə yüksək dəqiqliyə və texnologiyaya malik istehsalın yaradılmasıdır, - T.Qou qeyd edib.

O, həmçinin vurğulayıb ki, Apple şirkətinin müqavilə əsasında nəhəng tərəfdaşı olmaqla fəaliyyət göstərən Foxconnun planları ABŞ hökumətinin ölkənin istehsal sektorunun bərpası ilə bağlı proqramına tam uyğundur.

Milli.Az

Milli.Az - Xəbər Portalı

Foxconn 500 iş yeri açacaq

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?