Texnologiya

Nike-ın dizayneri Apple-ə keçdi

1 Oktyabr 2013 21:14

0 Şərh Baxış: 1 084

VTB-də minimal faiz dərəcəsi ilə nağd kredit 9.9%-dən

#APPLE INC #NİKE INC

Apple şirkəti Nike-ın aparıcı dizaynerlərindən biri Ben Şafferi işə götürüb. Qeyd edək ki, o, Nike şirkətində eksperimental məhsulların layihələndirilməsi bölməsinə rəhbərlik edib. Həmçinin Flyknit krassovkaları, həmçinin istirahəti sevənlər üçün Nike FuelBand fitnes-qolbağı və addımölçənin hazırlanmasında iştirak edib.

Milli.Az ICTnews-a istinadən bildirir ki, Appleın top-menecerləri Nike məhsullarından istifadəyə üstünlük verirlər. Məsələn, Apple şirkətinin baş direktoru Tim Kuk və keçmiş vitse-prezident Bob Mansfild FuelBanddan istifadə edir. Şayiələrə görə, Şaffer Apple şirkətində iWatch ağıllı saatları və başqa ələ taxılan elektronikanın işlənib hazırlanması ilə məşğul olacaq. Alma şirkəti, həmçinin ağıllı ayaqqabıya maraq göstərir.

Şaffer məhz Apple şirkətinə lazım olan insandır. O, Conatan Ayv kimi eyni prinsipləri rəhbər tutur: məhsulun son versiyasını çıxarmazdan əvvəl onlarla prototip yaradır.

Nike şirkəti Şafferin gedişini təsdiqləyib.

Milli.Az