Texnologiya

Günəşdən qidalanan təyyarə ilə rekord vurulacaq

17 Dekabr 2012 20:11
0 Şərh     Baxış: 733
VTB-də minimal faiz dərəcəsi ilə nağd kredit 9.9%-dən
#ATLANTİK FİNANCNİ TRHY A.S. #BERTRAN JSC
"Solar Impulse" layihəsinin koordinatorları Avropadan Afrikaya 6000 kilometrlik uğurlu uçuşundan sonra günəş batareyaları ilə işləyən eksperimental təyyarənin 2013-cü ilin yazında Atlantik okeanı üzərindən uçuşunu planlaşdırırlar. Bu tip uçuşlar üçün transatlantik uçuş misilsiz bir hadisə olacaq.

Milli.Az ICTnews-a istinadən bildirir ki, "Solar Impulse" layihəsi üzrə tərəfdaşlar Bertran Pikkar və Andre Borşberqin sözlərinə görə, Atlantik okean üzərindən həyata keçirilməsi planlaşdırılan uçuş haqqında qərar artıq qəbul edilib, sadəcə, layihənin konkret detalları üzərində düşünmək lazımdır.

Xatırladaq ki, "Solar Impulse" təyyarəsinin qanadlarının kənar nöqtələri arasındakı məsafə 63,4 metr, çəkisi isə 1,6 ton təşkil edir. Onun qanadlarına quraşdırılmış təxminən 12 min fotoqalvanik element 10 at gücünə malik 4 ədəd elektrik mühərrikini günəş enerjisi ilə təchiz etməyə qadirdir. Konstruktorlar ümid edirlər ki, günəş batareyalarının çəkisinin tədricən azalması nəticəsində gələcəkdə təyyarənin bortuna iki pilot götürmək mümkün olacaq.

Bu halda isə 2015-ci ildə dünya ətrafında fasiləsiz səyahət həyata keçirmək olar. Layihənin təşəbbüskarı Bertran Pikkar bildirib ki, təyyarə saatda 150 kilometrədək uçuş sürəti toplaya bilər. O, öz layihəsi ilə bəşəriyyətə sübut etmək istəyərdi ki, yandırılan yanacaqdan Yer kürəsi üzrə səyahət zamanı belə imtina etmək olar.

Bundan başqa, Bertran bildirib ki, o, mühəndis və alimləri insanlar üçün ekoloji cəhətdən təmiz və əlverişli nəqliyyatın tamamilə yeni nəsillərini hazırlamağa ilhamlandırmaq istəyərdi. Xatırladaq ki, 1999-cu ildə Bertran Pikkar hava şarı vasitəsilə artıq dünya ətrafında uçuş həyata keçirib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.