Texnologiya

“iPhone” istifadəçiləri təyyarəyə minərkən bunlar bilməlisiniz

7 Yanvar 2026 04:04

Baxış: 959

VTB-də minimal faiz dərəcəsi ilə nağd kredit 10.49%-dən

#TƏYYARƏ #APPLE

Son dövrlər bəzi iPhone istifadəçiləri uçuş zamanı telefon batareyasında şişkinlik yarandığını, təyyarə enəndən sonra isə problemin aradan qalxdığını bildirirlər.

Milli.Az xəbər verir ki, xüsusilə iPhone 16 Pro Max və iPhone 15 modellərində bu hal daha çox müşahidə olunur.

İstifadəçilərin sözlərinə görə, uçuş əsnasında cihazın arxa paneli korpusdan aralanır, lakin enişdən sonra telefon əvvəlki formasına qayıdır. Mütəxəssislər bunu litium batareyalarda yaranan qazın təyyarə salonunda təzyiqin azalması səbəbindən genişlənməsi ilə izah edirlər.

Qeyd olunur ki, şişkinlik keçsə belə, bu vəziyyət batareyanın daxili quruluşuna zərər verə, telefonun su və tozdan qorunmasını zəiflədə və yanğın riskini artıra bilər. Belə hal yaşandıqda sərnişinlərə dərhal uçuş heyətini məlumatlandırmaq tövsiyə olunur.

Asya
Milli.Az