Texnologiya

150 minə yaxın poverbank geri çağırıldı - SƏBƏB

31 Avqust 2025 00:13

Baxış: 760

VTB-də yüksək depozit faizleri daha çox qazandırır

#TEXNOLOGİYA #MOBİL TELEFON

Çin şirkəti Xiaomi potensial təhlükəsizlik riskləri səbəbilə PB2030MI modelindən 146,8 min ədəd xarici akkumulyatoru (poverbank) geri çağırıb.

Milli.Az bildirir ki, geri çağırılma 2024-cü ilin avqust-sentyabr aylarında istehsal olunmuş və tərkibində 126280 modelinin 2.0 versiyalı batareya elementləri olan qurğulara aiddir.

Həmin batareyalar Xiaomi-nin bir təchizatçısı tərəfindən hazırlanıb. İstehsalçının versiyasına görə, bu batareya versiyası həddindən artıq qızma, yanğın və hətta partlayış riski yarada bilər. Ehtiyat tədbiri olaraq, şirkət bütün partiyanı satışdan geri çəkir.

Geri çağırılmaya aid olan cihazların sahibləri 159 yuan (təxminən 35 manat) miqdarında tam ödənişlə kompensasiya ala bilərlər.

Rəsmi satış Çin hüdudlarından kənarda belə aparılsa da, geri çağırılma yalnız Çindəki cihazlara şamil olunur. Göstərilən təchizatçının batareyaları ilə istehsal edilmiş poverbankların başqa ölkələrə göndərilib-göndərilmədiyi məlum deyil.

İstifadəni davam etdirənlərə isə ehtiyat tədbirlərinə riayət etmək tövsiyə olunur: xüsusən də cihazı şarj zamanı, xüsusilə gecələr, nəzarətsiz buraxmamaq. (Lent.az)

Milli.Az