Texnologiya

Bu model "powerbank"lar yana bilər

14 İyun 2025 11:32

Baxış: 713

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #TEXNOLOGİYA

1.1 milyondan çox daşınan enerji qurğusu yanğın və partlayış riskinə görə geri çağırılıb.

Milli.Az nypost-a istinadla xəbər verir ki, ABŞ-də "Anker Innovations" şirkəti 1.1 milyondan çox "powerbank"ı yanğın və partlayışla bağlı şikayətlərdən sonra geri çağırdığını açıqlayıb.

Şirkət bildirib ki, bəzi "Anker PowerCore 10000" modellərindəki litium-ion batareyalar qızaraq plastik hissələrin əriyib yanmasına, tüstü və alovlanmaya səbəb ola bilər.

ABŞ İstehlakçı Məhsullarının Təhlükəsizliyi Komissiyasının (CPSC) məlumatına görə, geri çağırma "A1263" model nömrəli və müəyyən seriya nömrəli qurğulara aiddir. Həmin power banklar 2016-cı ilin iyun ayından 2022-ci ilin dekabrınadək Anker-in rəsmi saytı, Amazon, Newegg və Ebay vasitəsilə satılıb.

Model və seriya nömrəsi cihazın alt hissəsində yerləşən etiketi üzərində göstərilib.

Anker-in rəsmi açıqlamasında geri çağırmanın "müştərilərin təhlükəsizliyini təmin etmək məqsədilə ehtiyat tədbiri olaraq həyata keçirildiyi" bildirilib.

İsmayıl
Milli.Az