Texnologiya

“Google” xəbərdarlıq edir: Hesabınız silinməzdən əvvəl yoxlayın

3 Avqust 2023 17:34

Baxış: 2 217

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #GOOGLE

"Google", 1 dekabr 2023-cü ildə qeyri-aktiv hesabları silməyə başlayacağını açıqlayıb.

Milli.Az Trend-ə istinadən xəbər verir ki, həftə sonu göndərilən e-poçtlarda şirkət istifadəçilərə iki il ərzində istifadə olunmayan hesabların silinəcəyi barədə xəbərdarlıq edib.

"Google", istifadəçilərə profillərini aktiv saxlamaq şansı verərək, silmə əməliyyatından aylar əvvəl bir neçə xatırlatma e-poçtu da göndərəcəyini bildirib. Lakin hesab silindikdən sonra eyni "Gmail" ünvanı ilə yeni "Google" profili yaratmaq mümkün olmayacaq.

Bu siyasətlə "Google" zəif şifrələri olan profillər vasitəsilə xidmətlərin sındırılma şansını azaltmaq istəyir. Şirkətin bəyanatına görə, hakerlər çox vaxt tərk edilmiş hesablardan şəxsiyyət oğurluğu və spam kimi zərərli məqsədlər üçün istifadə edirlər.

Hesabınızın silinməsinin qarşısını almaq üçün hər iki ildən bir "Google" hesabınıza daxil olmalısınız. Hesaba daxil olarkən "Gmail"i yoxlamaq, "Google Drive"dan istifadə etmək və ya "YouTube"dan videolara baxmaq kimi digər fəaliyyətlər də hesabı aktiv saxlayacaq.

"Google", həmçinin istifadəçilərin profillərini silməzdən əvvəl bəzi alətlər vasitəsilə məlumatlarını endirə biləcəklərini bildirib. "Takeout" və "Inactive Account Manager" kimi şirkətin xidmətləri ilə hesab məlumatlarınızı başqa ünvana köçürə bilərsiniz.

Milli.Az