Texnologiya

“WhatsApp”da mesajlarınızı bu adamlar oxuya, silə biləcəklər - Yeni funksiya

1 Aprel 2022 03:22
1 Şərh     Baxış: 6 474
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"WhatsApp"a yeni funksiya gəlib.

Milli.Az azxəbər-ə istinadla xəbər verir ki, "Meta"nın mesajlaşma tətbiqi "WhatsApp"ın Android, iOS və masaüstü versiyalarına yeni funksiya gəlir. 

Belə ki, qrup adminləri tezliklə "WhatsApp"da İcma yarada biləcəklər. Bu, qrup adminlərinə daha çox nəzarət imkanı verəcək. Adminlər qruplar daxilində yeni qruplar yarada biləcəklər. Bütün qruplar başdan sona şifrələnəcək.

Həmçinin, "WhatsApp" qrup adminlərinə digər qrup üzvləri tərəfindən göndərilən mesajları silmək imkanı verən yeni funksiya üzərində işləyir. Bu funksiya ilə qrup adminləri qrup üzvləri tərəfindən uyğunsuz hesab edilən mesajları icazəsiz silə biləcəklər. Belə idarəçilər qrup üzərində nəzarəti artıracaqlar. Admin mesajı sildikdə, istifadəçilər "Bu, admin tərəfindən silindi" bildirişi alacaqlar.

Bildirilir ki, "WhatsApp" hesabları daha təhlükəsiz etmək üçün masaüstü və veb versiyalarına da iki addımlı doğrulama tətbiq etməyi planlaşdırır. Bu, hesaba icazəsiz girişin qarşısını alacaq. İki addımlı doğrulama ilə hesab sahibləri PİN kod yaradacaqlar.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.