Sağlamlıq

Koronavirusun yeni bəlası - Antitellər orqanizmə hücum edə bilər

11 Yanvar 2021 07:28
Baxış: 1 849

Koronavirusdan sağalanlar ümidlə antikorlar - antitellərin yaranmasını gözləyir, arzulayır və bunun üçün xüsusi analizlər verirlər. Antitellər artıq insanın koronavirus keçirdiyini və orqanizmdə virusu tanıyan immun cavabın yarandığını göstərir. Koronavirusa qarşı peyvənd də məhz orqanizmdə belə antitellər yaranması üçündür.

Lakin alimlər antitellərlə bağlı bədbin proqnoz veriblər.

Milli.Az xəbər verir ki, İyel universitetinin alimləri koronavirusdan sağaldıqdan sonra antitellərn nəinki virus qalıqlarını yox etdiyini, eləcə də orqanizmdə sağlam hüceyrələrə də hücum edib, onları da məhv edə bilər. Ona görə də xəstələrdə sağaldıqdan sonra ürək, damar, baş, bədən ağrıları, müəyyən problemlər yaşanır.

Elmi tədqiqat göstərib ki, antitellərlə yanaşı yaranan autoantitellər virus hissəciklərinin bədəndə bölünüb çoxalmasının qarşısını alır. Amma autoantillər orqanizmdə autoimmun prosesi də aktivləşdirir və immunitet özü öz sağlam hüceyrələrinə - damar, beyin, qaraciyər, mədə və s. əks hücum edir.

Nəticədə xəstənin əlavə şikayətləri yaranır, koronavirus kənarda qalır və orqanizm tam səfərbər ola bilmir.

Professor Aaron Rinq bildirir ki, belə spesifik reaksiya infeksiyadan sonra bədəndə ağırlaşma və fəsadların qalmasına və orqanizmin uzun müddət özünə gəlməməsinə gətirib çıxarır.

Buna artıq "Long Covid", yəni uzun kovid deyilir. Bu vəziyyət daha çox 20-49 yaş arası pasiyentlərdə olur. Koronavirusa yoluxanların 10-12%-də long kovid davam edir.

İmmun sistemin belə əks cavab təsiri artrit, revmatizm, qırmızı qurd eşənəyi və skleroz kimi xəstəliklərdə də olur. /medicina.az

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.