Sağlamlıq

Qışda bu meyvələri yeməlisiniz

11 Yanvar 2021 07:55
Baxış: 1 929
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Qış fəslində müəyyən xəstəliklərdən qorunmaq üçün təkcə isti geyinmək kifayət deyil, meyvə qəbulu da əhəmiyyətlidir.

Milli.Az bildirir ki, heyva sağlam immunitet sistemi üçün vacib olan C vitamini və lif ehtiva edir. Həm də heyva antibakterial xüsusiyyətlərə malikdir.

Xurma C vitamini sayəsində iltihab əleyhinə xüsusiyyətlərə malikdir. Xurmanın tərkibində həmçinin xolesterol səviyyəsini azaltmağa kömək edən antioksidanlar var.

Nar planetimizin ən gözəl meyvələrindən biri hesab olunur. Meyvə ürək, xərçəng və artrit daxil olmaqla geniş bir sıra xəstəlik riskini azaltmağa kömək edən qida və güclü bitki birləşmələri ilə zəngindir.

Mərcanı əsasən karbohidrat və lifdən ibarətdir. Tərkibində mis, C, E və K1 vitaminləri mövcuddur. Eyni zamanda, bu meyvənin suyu qan təzyiqinin qorunmasına və qanda xolesterol səviyyəsinin aşağı düşməsinə kömək edir.

Sitrus meyvələri də xolesterolu və qan təzyiqini azaltmağa kömək edir. Bir portağalda yetkin insan üçün lazım olan gündəlik C vitamini var. Kividə C, K, E vitaminləri, folat və kalium mövcuddur. Kivi həm də antioksidan və lif baxımından zəngindir.

Alma daha çox karbohidrat və sudan ibarətdir. Bu meyvə eyni zamanda qan şəkərini azaltmağa kömək edən və bağırsaq sağlamlığını inkişaf etdirən yaxşı bir lif mənbəyidir. (ölkə.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.