Sağlamlıq

Ucuz və sintetik məhsullar sağlamlıq üçün zərərlidir

10 Yanvar 2012 18:25
0 Şərh     Baxış: 562
VTB-də minimal faiz dərəcəsi ilə nağd kredit 9.9%-dən
#SİNTETİK A.D.
Milli.Az-ın Regional TV kanalına isitnadən verdiyi məlumata görə, Xaçmaz şəhərində yerləşən əksər mağazalarda qiyməti 5-10 manat arasında dəyişən geyim məhsulları satılır. Bəzən eyni mal bir mağazada baha, digərində isə ucuz qiymətə təklif olunur. Hər iki tərəfsə satdığı məhsulun keyfiyyətindən ağız dolusu danışır. Amma istər ayaqqabıya, istərsə də geyim məhsulları və aksesuarlarına baxanda onun qiyməti ilə keyfiyyət anlayışının uzlaşmadığını müşahidə etmək çətin deyil.

Satıcılar belə məhsulları satmalarını əhalinin tələbatı ilə əlaqələndirirlər. Onların sözlərinə görə, ucuz qiymətə satılan məhsullar alıcıların büdcəyə qənaət etmələrinə səbəb olur. Vətəndaşlar da bu cür məhsulları daha çox aldıqlarını deyir. Onlar bildirirlər ki, geyim alarkən onun keyfiyyətindən daha çox qiymətinə üstünlük verirlər. Qiymətinə  aldanıb üz tutdğumuz keyfiyyətsiz məhsullar bir çox xəstəliklərə səbəb ola bilər. Çünki onların tərkibində bir çox zərərli kimyəvi madələr var.

Həkimlər hesab edirlər ki, belə maddələr dəri xəstəliyinə yol aça bilər. Xaçmaz 5 saylı ərazi sınaq sertifikatlaşdırma idarəsinin rəisi Əlizadə Davudov bildirir ki, onlar keyfiyyətsiz məhsullara sertifikat vermirlər. İdarə rəhbəri, mağazasında bu cür mallara yer verən sahibkarların sertifikat almaq üçün onlara müraciət etmədiyini deyir. Bu yerdə iş düşür alıcıların üzərinə. Onlar hansısa geyim məhsulu alarkən sertifikat tələb etmək hüququna malikdir. Məhz bu zaman zahirən bəyəndiniz məhsulun necə və hansı yolla hazırlanaraq satışa çıxarıldığını müəyyənləşdirə bilərsiniz.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.