Sağlamlıq

Rus həkimin korona açıqlaması çaşqınlıq yaratdı

28 Sentyabr 2020 23:34
Baxış: 2 454
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ #UŞAQ #KORONAVİRUS

Bütün yaş kateqoriyalarında insan orqanizmi koronavirus infeksiyasına həssasdır.

Milli.Az xəbər verir ki, bu sözləri axar.az-a açıqlamasında Azərbaycan Tibb Universitetinin yoluxucu xəstəliklər kafedrasının assistenti, həkim-infeksionist Vüqar Cavadzadə tanınmış rus həkim Yelena Malışevanın uşaqların koronavirusun daşıyıcısı olmadığı haqda iddiasına münasibət bildirərkən deyib.

O bildirib ki, uşaqlar birmənalı olaraq koronavirus infeksiyasına yoluxa bilər:

"Koronavirus infeksiyasına yoluxmuş uşaqlar xəstəliyi əsasən yüngül şəkildə, yaxud da ümumiyyətlə, simptomsuz keçirə bilər. Lakin uşaqlarda sözügedən xəstəliklə yanaşı gedən hər hansı başqa bir xəstəlik mövcud olarsa, onlar virusu ağır keçirə bilər və hətta ölümlə də nəticələnə bilər. Dünya statistikasına baxsaq, uşaqlar arasında koronavirusdan ölüm dərəcəsi 1 faizdir. Öz təcrübəmdən deyə bilərəm ki, uşaqlar həqiqətən bu virusa yoluxa bilir. Bununla yanaşı uşaqlar böyüklərin yoluxmasında birbaşa rol oynaya bilirlər".

Qeyd edək ki, Ümumdünya Səhiyyə Təşkilatı ümumi yoluxma hallarının 8,5 faizini 18 yaşına çatmamış uşaqların təşkil etdiyini bəyan etsə də, tanınmış rus həkim, teleaparıcı Yelena Malışeva sağlamlıq haqda olan verilişində uşaqların koronavirusun daşıyıcısı olmadığını iddia etmişdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.