Sağlamlıq

Süd məhsulları və onların istehlak qaydaları

24 Yanvar 2020 23:05

0 Şərh Baxış: 2 631

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #SÜD

Süd və süd məhsulları geniş istifadə olunan əvəzsiz qidalardır. Onlar yaxşı stimulyator rolu oynayır və orqanizmə daxil olan başqa qida maddələrinin mənimsənilməsi prosesini sürətləndirir.

Milli.Az AZƏRTAC-a istinadən bildirir ki, südün yüksək bioloji müalicəvi xassəsi onun tərkibindəki qiymətli zülalların, asan həzm olunan yağların və müxtəlif vitaminlərin zənginliyi ilə izah edilir.

Tərkibi C vitamini, dəmir, makro və mikro elementlərlə zəngin olan süd və süd məhsulları orqanizm üçün faydalıdır. Həmin məhsulların tərkibində xüsusilə, uşaqların, hamilə qadınların və yaşlıların sümük sağlamlığı üçün vacib olan kalsium, fosfor və digər minerallar var. Süd məhsullarının tərkibində orqanizmin normal inkişafını təmin edən bütün maddələr optimal nisbətdədir. Orta yaşlı insanlar gündə 200 ml, uşaq və yeniyetmələr, eləcə də hamilə qadınlar 600-800 ml süd istehlak etməlidir.

Çöküntüsüz və seliksiz, dadı təmiz, kənar iysiz, rəngi ağ sarıya çalan məhsul daha təbii və keyfiyyətli sayılır. Pasterizə edilmiş süd xəstəlik yaradan faktorlardan tamamilə, digər kiçik təsiredici faktorlardan və qismən təmizlənmiş qida məhsuludur. Soyuq şəraitdə saxlanıldıqda məhsulun davamlılıq müddəti 5 gündür. Həmin məhsullarda xəstəlik törədən bakteriyaların mövcudluğuna yol verilməməli, konsentrasiyası bircinsli olmalıdır. Pasterizə olunmuş süd soyuducuda yaz-yay aylarında 4-5 dərəcə temperaturda 1 gün, qış aylarında isə 2-3 gün saxlanıla bilər.

Saxlanma müddəti bitəndən sonra südün qida rasionuna daxil edilməsi ciddi təhlükə mənbəyi rolu oynayır. Ona görə də süd alarkən və ondan istifadə zamanı diqqətli olmaq lazımdır.

Milli.Az

Milli.Az - Xəbər Portalı

Süd məhsulları və onların istehlak qaydaları

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?