Sağlamlıq

Gec qocalmaq istəyirsizsə, yerişinizi dəyişin - Sürətli, yoxsa ləng?

20 Noyabr 2019 23:57

0 Şərh Baxış: 3 975

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ

Aparılan elmi araşdırmalar nəticəsində məlum olub ki, sürətlə yerimək insan sağlamlığı üçün daha faydalıdır. Belə ki, yavaş yeriyən şəxslərdə qocalma prosesi daha sürətlə gedir.

Milli.Az medicina.az-a istinadən bildirir ki, 50 iilik zamanı əhatə edən araşdırma zamanı, 1970-ci ildən bu yana 900 Yeni Zellandiyalı şəxs üzərində araşdırma aparıb.

Bu illər ərzində tədqiqat iştirakçılarının bədən funksiyaları müşahidə edilib. Araşdırma zamanı 45 yaşına gəlmiş şəxslərin gəzmək sürəti ölçülərək günlük bədən funksiyaları dəyərləndirilib. Bundan əlavə sürətli yaşlanmaya aid qan təzyiqindən diş sağlamlığına dair 19 fərqli bio işarət incələnib. Alınan nəticələr isə olduqca təəccüblü idi.

Belə ki, yavaş yeriyən şəxslərdə sürətli yeriyən şəxslərə nisbətən bioloji yaşlanmanın artdığı və beyin bütünlüyünün daha sürətli pozulduğu aşkarlanıb. Belə ki, orta yaşlı insanlarda yavaş yerimək sağlamlıq üçün ziyanlıdır. Araşdırma aparılarkən başqa bir məsələyə də diqqət edilib.Tədqiqatda iştirak edənlərin şəxsi əhvalının da yaşlanmaya mühüm təsir edən amil olduğunu vurğulayıb. Yəni, xoşbəxt olanlar daha çox yaşayır və gec qocalır.

Milli.Az