Sağlamlıq

Otaq spreylərinin ölümcül təhlükəsi - AÇIQLAMA

9 Noyabr 2019 16:18
0 Şərh     Baxış: 955
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Əksər məkanlarda, hətta evlərdə də ən çox istifadə olunan məhsullardan biri, otaq üçün spreylərdir. Qapalı yerlərdə xoşa gələn qoxu yaratmaq üçün bir çox insanlar bu spreylərdən istifadə edir.

Maraqlıdır, bəs spreylərin insan orqanizmi üçün mənfi təsiri vardımı?

Milli.Az xəbər verir ki, mövzu ilə bağlı Lent.az-a danışan allerqoloq Ləman Cəfərova bildirib ki, otaq üçün nəzərdə tutulan spreylər qoxunu aradan qaldırmır, qısa müddət ərzində təravətləndirir:

"Bunlar hamısı kimyəvi maddələrdən hazırlanır. Otağa püskürdüləndə isə gözlə görünməyən zərrəciklər var ki, nəfəs yolu ilə ağ ciyərlərə qədər gedib çatır. Nəticədə isə bir çox xəstəliklərə səbəb olur. Məsələn, tənəffüs sistemi xəstəliklərinə, burun tutulmasına, öskürəyə, eləcə də bronxial asmanın kəskinləşməsinə gətirib çıxara bilir. Bundan başqa, gözə və dəriyə də mənfi təsir edir. Belə ki, gözdə və həssas dərilərdə allergik reaksiyalar, hətta dəridə dermatoloji xəstəliklər yarada bilir".
Həkimin sözlərinə görə, sözügedən spreylər həssas insanlarda ölümlə də nəticələnə bilər:
"Bu spreylər qan təzyiqinə, baş ağrılarına və sinir sisteminə mənfi təsir göstərir. Hətta həssas insanlarda ölümcül ağciyər şişlərinə də gətirib çıxarır. Pis qoxunu aradan qaldırmaq üçün otağın pəncərəsini açmaq və təmiz hava ilə məkanı havalandırmaq məsləhətdir".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.