Sağlamlıq

Avropa və Mərkəzi Asiya əhalisinin dörddəbiri...

22 Sentyabr 2019 02:30
0 Şərh     Baxış: 1 462
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Ümumilikdə bütün dünyanı götürdükdə, Avropa və Mərkəzi Asiyada ərzaq təminatı ilə vəziyyət daha ürəkaçandır: əhalinin yalnız iki faizədək hissəsi normadan artıq qidalanır. Bu, orta qlobal göstəricidən 7 faiz aşağıdır.

Bununla yanaşı, Avropa və Mərkəzi Asiya ölkələrində ərzaq sistemi nöqsansız deyil: milyonlarla insan bütün zəruri qida elementlərini almır və qanazlığından əziyyət çəkirlər. Təqribən 200 milyon insan isə, yəni regionun böyük əhalisinin dörddəbiri artıq çəkiyə malikdir. Regionun bir çox ölkələri yağların, şəkər və ətin artıq sərf edilməsi, həmçinin oturaq həyat tərzi ilə bağlı problemlərin həllinə daha çox diqqət ayırmalıdırlar.

Milli.Az AZƏRTAC-a istinadən bildirir ki, BMT-nin Ərzaq və Kənd Təsərrüfatı Təşkilatının (FAO) Budapeştdə təşkil olunan regional iclasının iştirakçıları bu və digər problemləri müzakirə ediblər. Bu görüş 2020-ci ildə "Ərzaq sistemləri və qidalanma üzrə könüllü rəhbər prinsiplərin" işlənib hazırlanmasına aparacaq prosesin bir hissəsidir.

FAO-da dəfələrlə qeyd olunub ki, planetin bütün sakinləri müxtəlif, balanslaşdırılmış və sağlam qidanı qəbul etmək hüququna malikdirlər. Bu, onlara fəal və sağlam həyat tərzi keçirməyə şərait yaradardı. Yetərincə qidalanmamaq fiziki artımın sürətini azaldır və beynin inkişafını dayandırır. Artıq çəki isə diabet, hipertoniya və xərçəng kimi qeyri-yoluxucu xəstəliklərə gətirib çıxarır. Bu problemlər birlikdə şəxsiyyətin inkişafına və cəmiyyətin rifah halının yüksəlməsinə mane olur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.