Sağlamlıq

Bu qida körpənizi itirməyinizə səbəb ola bilər - Hamilə qadınların DİQQƏTİNƏ - FOTO

26 İyun 2019 21:31
0 Şərh     Baxış: 1 731

Ana olmağa hazırlaşan qadınların şübhəli qaldığı məqamlardan biri də hamiləlik zamanı zəncəfildən istifadə edib-etməməkdir.

Milli.Az xəbər verir ki, bir çox dərdin dərmanı kimi əsrlərdir istifadə olunan zəncəfil hər zaman olduğu kimi, hamiləlik dövründə də sağlamlıq baxımından bir çox sayda verir.

Xalq arasında yayılan rəvayətə görə, hamiləlik zamanı zəncəfildən istifadə etmək uşağa ziyan verir. Lakin mütəxəssislər bunun tam əksini bildirir. Xüsusilə, ürəkbulanma zamanı istifadə olunanda daha çox işə yarayır.

Lakin burada bəzi məqamlara diqqət yetirmək lazımdır. Xüsusən, gün ərzində nə qədər istifadə olunmasına və təzəliyinə.

Hamiləlikdə zəncəfildən istifadənin qaydaları və faydaları

Şəfa qaynağı olan zəncəfilin yeməklərə əlavə edərək və ya çayını dəmləyərək qəbul etmək mümkündür. Hər analığa namizəd qadında eyni olmasa da, ilk 2-3 ayda ürəkbulanma faktoru qeydə alınır. Zəncəfil bu problemin öhdəsindən asanlıqla gəlir. Bir fincan qaynar suyun içinə yarım çay qaşığı zəncəfil tozu atın. 10 dəqiqə sonra süzün və gündə 2 fincandan çox olmayaraq için.

Zəncəfil, həm də hamiləlik zamanı artan mədə turşuluğunun azalmasına yardımçı olur. Bunun üçün təzə zəncəfili şəkər və ya balla birlikdə çay içərkən yeyə bilərsiniz.

Hamiləlikdə zəncəfil:

- Bətndəki körpəyə kifayət edəcək qan axınını dəstəkləyir.

- Yeməkdən sonra həzmi çətin olan qidaların daha yaxşı parçalanasına kömək olur.

- Bel və boğaz ağrılarını aradan qaldırır.

- Kəskin xolestrol səviyyəsini aşağı salır.

- İmmun sistemini qüvvətləndirir.

- Mədədə yanma hissinin qarşısını alır.

- Qanda şəkərin miqdarını balansda saxlayır.

- Hamiləlik zamanı yığılan artıq çəkiyə görə gərginləşən əzələ sisteminin yorğunluğunu atır.

Zəncəfil miqdarından artıq istifadə olunanda zərər verərmi?

- Qan təzyiqi və ya qanın laxtalanması üçün dərmandan istifadə olunursa, o zaman həkim məsləhəti olmadan istifadə etmək olmaz.

- Hər gün 2 fincandan artıq zəncəfil çayı içmək erkən doğuşa və ya uşağın düşməsinə səbəb ola bilər.

- Bir çox faydası olsa da, hamiləlikdə və südvermə dövründə həkimlə məsləhətləşmədən zəncəfildən istifadə etmək əks təsir göstərə bilər.

Zəncəfil çayı necə hazırlanır?

Ərzaqlar:

1 ədəd zəncəfil

Bal və ya limon

Su

Hazırlanması:

Təzə zəncəfilin qabıqlarını soyuduqdan sonra incə-incə doğranır. Lif baxımından zəngin olan zəncəfilin faydasından tam yararlanmaq üçün onu liflərə paralel istiqamətdə doğramaq lazımdır. Neçə fincan içmək istəyirsinizsə, o qədər su əlavə etdikdən sonra 4-5 ədəd zəncəfil dilimini suya atın. 10-15 dəqiqə gözləyin. Zövqə görə üzərinə limon və ya bal əlavə edin. (publika.az)

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.