Sağlamlıq

Məzuniyyətdə işdən uzaq qalmaq niyə vacibdir?

26 İyun 2026 14:24

Baxış: 1 865

VTB-də minimal faiz dərəcəsi ilə nağd kredit 9.9%-dən

Tətil zamanı işlə bağlı bildirişlərdən uzaq qalmaq həm emosional, həm də peşəkar tükənmə riskini azaltmağa kömək edir.

Milli.Az xəbər verir ki, bunu rusiyalı psixoloq Pavel Javnerov bildirib.

Onun sözlərinə görə, istirahət zamanı iş mesajları insanda narahatlıq yaradırsa, ən doğru addım telefonun bildirişlərini söndürməkdir. Əks halda, davamlı gərginlik yüksək təşvişə və psixoloji problemlərə səbəb ola bilər.

Psixoloq bildirib ki, insanlar işlərini itirmək qorxusu ilə məzuniyyət zamanı da zəng və mesajlara cavab verməyə davam etdikdə, bu, zamanla tükənmişlik sindromuna yol aça bilər. Hətta oxunmamış bir bildiriş belə insanın gərginliyini artırmağa qadirdir. Buna görə də mütəxəssis tətil müddətində "rəqəmsal gigiyena" qaydalarına əməl etməyi, bildirişləri deaktiv edib istirahətə tam fokuslanmağı tövsiyə edir.

Müəllif: Aysel Əkbər (Milli.Az müxbir)