Sağlamlıq

Paket çaylar suya milyardlarla mikroplastik buraxır? - Araşdırma

24 Aprel 2026 02:02

Baxış: 322

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Son dövrlərdə sosial mediada geniş yayılan iddialardan biri də paket çayların suya milyardlarla mikroplastik buraxması ilə bağlıdır.

Milli.Az xəbər verir ki, bu fikir ilk baxışda narahatedici görünsə də, mütəxəssislər onun tam olaraq reallığı əks etdirmədiyini bildirirlər.

Məlumata görə, bu iddia əsasən 2019-cu ildə aparılmış tək bir araşdırmaya əsaslanır. Həmin tədqiqatda yüksək miqdarda mikroplastik aşkar edilsə də, sonradan onun metodologiyası elmi mühitdə tənqid olunub. Daha sonrakı araşdırmalar isə eyni nəticələri təsdiqləməyib.

Yeni tədqiqatlar göstərir ki, paket çaylardan suya keçən mikroplastiklərin miqdarı istifadə olunan ölçmə üsullarından ciddi şəkildə asılıdır. Parçacıqların necə ayrılması, hansı texnologiyalarla sayılması və onların həqiqətən plastik olub-olmamasının necə müəyyən edilməsi nəticələrə birbaşa təsir edir. Bu səbəbdən bəzi araşdırmalarda milyardlarla, digərlərində isə cəmi yüzlərlə və ya minlərlə hissəcik qeydə alınıb.

Mütəxəssislər bildirirlər ki, mikroplastik problemi ümumilikdə real və qlobal xarakter daşıyır. Lakin konkret olaraq "paket çaylar milyardlarla mikroplastik buraxır" fikri şişirdilmiş və bəzən yanıltıcı şəkildə təqdim olunur.

Milli.Az