Sağlamlıq

Tünd şokoladlarla bağlı dietoloqdan mühüm açıqlama

8 Yanvar 2026 06:06
Baxış: 2 068
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK

3-4 həftə ərzində müntəzəm və orta miqdarda tünd şokolad istehlakı qan təzyiqinin azalmasına kömək edə bilər.

Milli.Az xəbər verir ki, bu barədə türkiyəli dietoloq Berna Arslan bildirib.

Onun sözlərinə görə, yüksək kakao tərkibinə malik tünd şokolad ürək-damar sağlamlığı üçün digər şokolad növlərindən daha faydalıdır.

Mütəxəssis qeyd edib ki, tünd şokoladın əsas üstünlüyü kakao tərkibində olan flavonoidlər və polifenollar kimi güclü antioksidantlardır. Bu maddələr oksidləşdirici stressi azaldır, damarların daha sağlam işləməsini dəstəkləyir və ateroskleroz riskini aşağı sala bilər.

Araşdırmalara əsasən, xüsusilə hipertoniya riski olan şəxslərdə gündə 20-30 qram (təxminən 2-3 kiçik parça) tünd şokolad qəbulu qan təzyiqində nəzərəçarpacaq azalma yarada bilər. Lakin Berna Arslan xəbərdarlıq edib ki, tünd şokolad yüksək kalorili qidadır və həddindən artıq istehlak çəki artımına səbəb ola bilər.

Dietoloq əlavə edib ki, tünd şokoladın antioksidantları hüceyrə sağlamlığını dəstəkləyərək qocalma prosesini ləngidə, serotonin və endorfin ifrazını artıraraq əhval-ruhiyyəni yaxşılaşdıra bilər. Eyni zamanda flavonoidlərin beyinə qan axınını artırdığına dair elmi dəlillər mövcuddur.

Mütəxəssis sağlamlıq üçün ən azı 70 faiz kakao tərkibli, şəkər və qatqı maddələri az olan tünd şokoladlara üstünlük verilməsini tövsiyə edib. O vurğulayıb ki, süd və ağ şokoladlar eyni təsirə malik deyil və sağlam həyatın əsası balanslı və davamlı qidalanmadır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.