Sağlamlıq

Niyə səhərlər acqarına ilıq su içməliyik?

23 Dekabr 2025 10:00
Baxış: 3 578
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ #SAĞLAM QİDA

Son illər sağlam həyat tərzi ilə bağlı tövsiyələr arasında acqarına ilıq su içmək geniş yayılıb.

Milli.Az xəbər verir ki, aparılan müşahidələr və elmi məlumatlar bu vərdişin həzm sistemi və ümumi orqanizm fəaliyyəti üçün müsbət təsirlər göstərə biləcəyini ortaya qoyur.

Məlumata görə, səhər saatlarında, qida qəbulundan əvvəl ilıq su içmək həzm sisteminin aktivləşməsinə kömək edir. İlıq su mədə-bağırsaq traktını "oyadır", bağırsaq hərəkətlərini sürətləndirir və qəbizlik riskini azalda bilər. Bu, xüsusilə oturaq həyat tərzi keçirən insanlar üçün əhəmiyyətlidir.

Araşdırmalar göstərir ki, acqarına su içmək orqanizmdə yığılan toksinlərin xaric olunmasını asanlaşdıra bilər. Gecə boyu maddələr mübadiləsi nəticəsində yaranan tullantıların sidik yolu ilə atılması sürətlənir, böyrəklərin fəaliyyəti dəstəklənir.

Digər mühüm məqam isə maddələr mübadiləsinə təsirdir. İlıq su bədənin temperatur balansını pozmadan metabolizmi yüngül şəkildə sürətləndirə bilər. Bu da gün ərzində enerji sərfiyyatının daha səmərəli olmasına şərait yaradır.

Eyni zamanda, acqarına ilıq su içməyin dəri sağlamlığına da dolayı təsiri olduğu bildirilir. Kifayət qədər maye qəbulu qan dövranını yaxşılaşdırır, bu isə dərinin daha canlı görünməsinə kömək edə bilər.

Qeyd olunur ki, suyun çox isti deyil, ilıq olması vacibdir. Həddindən artıq isti su mədənin selikli qişasına mənfi təsir göstərə, çox soyuq su isə həzm prosesini ləngidə bilər.

Bununla belə, xroniki mədə-bağırsaq problemləri olan şəxslərin bu vərdişi gündəlik rejimə daxil etməzdən əvvəl fərdi vəziyyətlərini nəzərə almaları tövsiyə olunur.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.