Sağlamlıq

Şəkər xəstələri üçün möcüzəli qida – təsirini 50% azaldır!

27 Sentyabr 2025 19:10

Baxış: 1 278

VTB-də minimal faiz dərəcəsi ilə nağd kredit 9.9%-dən

#XƏSTƏLİK

Son illərdə tip 2 diabet xəstələrinin sayı sürətlə artır. Proqnozlara görə, 2030-cu ilə qədər hər 10 nəfərdən biri bu xəstəliklə üzləşəcək. Mütəxəssislər deyir ki, diabetlə mübarizənin əsas yolu qan şəkərini nəzarətdə saxlamaqdır. Yeni bir araşdırma isə sadə və ucuz bir qidanın qan şəkərini 50%-ə qədər azalda biləcəyini göstərib.

Nijeryadakı Delta Dövlət Universitetinin alimləri soğan ekstraktının (soğan suyu və ya qatısı) qan şəkərinə təsirini araşdırıblar. Baş araşdırmaçı Dr. Anthony Ojieh bildirib ki, soğan asan tapılan və ucuz qida olduğundan, əlavə müalicə vasitəsi kimi nəzərdən keçirilə bilər.

Diyabetli siçan qruplarına həm metformin (dərman), həm də müxtəlif dozada soğan ekstraktı verilib. Nəticədə, soğanın qan şəkərini ciddi şəkildə azaltdığı, bəzi hallarda təsirin 50%-ə çatdığı müəyyən olunub. Eyni zamanda xolesterin səviyyəsinin də aşağı düşdüyü müşahidə edilib.

Dr. Ojieh bildirib ki, bu təsirin insanlarda da işləyib-işləməyini araşdırmaq lazımdır. Əgər tətbiq edilərsə, ekstrakt xüsusi şəkildə saflaşdırılacaq və lazımi dozada istifadə olunacaq.

Tip 2 diabetin əlamətləri arasında:

Gecələr tez-tez sidiyə getmək

Daimi susuzluq

Həddindən artıq yorğunluq

Sürətli arıqlama

Yara və kəsiklərin gec sağalması

Bulanıq görmə göstərilir.

Mütəxəssislər şəkər xəstəliyi riskinə qarşı mütəmadi qan analizi, sağlam qidalanma və fiziki aktivliyi vacib sayır.

Lalə Qüdrətova
Milli.Az