Sağlamlıq

Siqaret çəkənlərdə bu vitamin çatışmır - Açıqlama

1 Sentyabr 2025 19:13
Baxış: 1 479
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Siqaret çəkənlərdə C vitamini çatışmazlığı müşahidə olunur.

Milli.Az xəbər verir ki, psixiatr və narkoloq, həkim Ruslan İsayev gazeta.ru-ya açıqlamasında bildirib ki, siqaret çəkənlərin qan plazmasında askorbin turşusunun miqdarı siqaret çəkməyənlərlə müqayisədə xeyli aşağı olur.

Həkimin sözlərinə görə tütünün yanma məhsulları orqanizmdə oksidləşdirici stress yaradır və C vitamini sərbəst radikalları zərərsizləşdirmək üçün daha sürətlə xərclənir. Bundan başqa, siqaret çəkənlərdə askorbin turşusunun parçalanması və orqanizmdən xaric olunması da sürətlənir.

İsayev qeyd edib ki, siqaret çəkən kişilər və qadınların gündəlik C vitamini ehtiyacı siqaret çəkməyənlərlə müqayisədə təxminən 35 milliqram çoxdur.

O, bununla yanaşı vurğulayıb ki, siqaretin yaratdığı C vitamini çatışmazlığını yalnız qida və ya əlavələrlə tam aradan qaldırmaq mümkün deyil. Bu vitamin immunitetin, damarların, dərinin sağlamlığı və antioksidant müdafiə üçün vacibdir, lakin onun əlavə qəbulu tütün tüstüsünün tənəffüs və ürək-damar sisteminə dağıdıcı təsirini neytrallaşdırmır, sadəcə sürətlə tükənən ehtiyatları bərpa etməyə kömək edir.

İsmayıl
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.