Sağlamlıq

Sərinkeşin qarşısında yatmaq zərərlidir?

15 İyul 2025 00:30
Baxış: 1 258
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Sərinkeşin (ventilyatorun) altında yatmaq, xüsusilə isti yay gecələrində bədəni sərinlətdiyi üçün rahat görünə bilər. Lakin bu vərdişin sağlamlığa mənfi təsirləri ola bilər və bir sıra riskləri özü ilə gətirir

Milli.Az bildirir ki, ən çox rast gəlinən problemlərdən biri əzələ tutulması və ağrılardır. Sərinkeşdən gələn davamlı soyuq hava axını boyun, kürək və bel nahiyəsini soyudaraq əzələlərin gərginləşməsinə səbəb olur. Bu da yatdıqdan sonra səhər oyananda boyun və çiyin ağrısı, hərəkət məhdudluğu kimi narahatlıqlar yarada bilər. Uzun müddət belə yatmaq əzələ-oynaq sistemində xroniki problemlərə də yol aça bilər.

Digər bir ciddi məqam isə nəfəs yolları ilə bağlıdır. Ventilyator otaqda olan toz, polen, tüklər və digər allergenləri havada dövr etdirdiyi üçün bu maddələri nəfəs yolu ilə bədənə daxil etmək riski artır. Xüsusilə allergiyası, sinusiti və ya astması olan insanlar üçün bu, ciddi tənəffüs problemlərinə səbəb ola bilər. Gecə boyu havadakı quru və tozlu axın burun quruluğu, boğaz yanması və öskürəklə nəticələnə bilər. Bundan əlavə, ventilyator havanı qurutduğu üçün dərinin və selikli qişaların qurumasına da səbəb ola bilər. Belə hallar qarşısında ən yaxşı üsul sərinkəşi birbaşa bədənə yönəltməmək, hava axınını otağın ümumi dövranına istiqamətləndirmək və mümkün qədər aralıdan istifadə etməkdir. Həmçinin otağı gündəlik havalandırmaq və nəm səviyyəsini qorumaq da sağlamlıq baxımından faydalı olar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.