Sağlamlıq

Səhər yeməyində "bəh-bəh"lə yeyilən bu tərəvəz acqarına zərərli imiş

4 İyun 2025 06:06

Baxış: 2 924

VTB-də minimal faiz dərəcəsi ilə nağd kredit 10.49%-dən

#SAĞLAMLIQ #SAĞLAM QİDA

İllərdir sağlam qida kimi tanınan və xüsusilə səhər yeməyində bol istifadə edilən çiy pomidorun əslində acqarına yeyildikdə bəzi insanlar üçün təhlükəli olduğu üzə çıxıb.

Milli.Az bildirir ki, mütəxəssislərin fikrincə çiy pomidor mədə turşusunu artıraraq reflü və qastrit kimi problemlərə səbəb ola bilər. Ac qarına yeyildikdə pomidorun mədə yanması və köp kimi narahatlıqlar yaratmaq ehtimalı var. Pomidorun tərkibində olan "solanin" adlı maddə - xüsusilə yaşıl, tam yetişməmiş pomidorlarda - baş ağrısı, ürəkbulanma və əzələ ağrılarına yol aça bilər.

Bəzi insanlarda isə çiy pomidor allergik reaksiyalar törədə bilər: qaşınma, səpki, dodaqlarda şişkinlik və nəfəs darlığı kimi əlamətlər müşahidə oluna bilər. Bundan əlavə, pomidorun antioksidant maddəsi olan likopenin çiy halda orqanizm tərəfindən yaxşı mənimsənilmədiyi, hətta həssas immun sisteminə mənfi təsir edə biləcəyi də vurğulanır.

Mütəxəssislər çiy pomidorun səhər yeməyində istifadəsini məhdudlaşdırmağı, mümkün qədər günün sonrakı saatlarında və bişmiş halda yeməyi tövsiyə edirlər.

İsmayıl
Milli.Az