Sağlamlıq

İndiki dövrün səssiz ölüm xəbərçiləri - Bunlari yeməyin

13 May 2025 05:05

Baxış: 1 164

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Müasir qidalanma vərdişləri sürətli həyat tərzinə uyğun olaraq dəyişməkdədir. Hazır və asan əldə olunan qidalar bir çox insanın gündəlik menyusunun əsas hissəsinə çevrilib. Lakin bu cür rahatlıq sağlamlıq üçün ciddi təhlükələr yarada bilər. Xüsusilə də "ultra emal olunmuş" adlandırılan sənaye məhsulları son illər bir sıra tədqiqatların əsas müzakirə mövzusu olub.

Milli.Az xəbər veir ki, şəkər tərkibli qazlı içkilər, kartofdan hazırlanan qəlyanaltılar və paketlənmiş şirniyyatlar kimi yüksək dərəcədə emaldan keçmiş ərzaqların istifadəsi insan sağlamlığı üçün ciddi zərərlərlə nəticələnə bilər.
Mütəxəssislərin apardığı araşdırmalara əsasən, gündəlik əlavə olaraq qəbul edilən hər 100 qram bu tip məhsullar yüksək qan təzyiqi, ürək-damar xəstəlikləri, onkoloji problemlər, həzm sistemi pozğunluqları və hətta ölüm riskini artırır.

Bu kateqoriyaya zavod şəraitində hazırlanmış çörək və un məmulatları, şəkər əlavə edilmiş içkilər, qızardılmış kartof çipsləri, konfetlər, şokolad əsaslı şirniyyatlar, həmçinin müxtəlif növ paketlənmiş peçenyelər daxildir.
Sahə üzrə ekspertlər vurğulayırlar ki, bu məhsulların miqdarını azaldaraq onları təbii və daha az emaldan keçmiş ərzaqlarla əvəzləmək orqanizmin ümumi sağlamlığı üçün çox vacibdir.

Asya
Milli.Az