Sağlamlıq

Dırnaqlardakı bu dəyişiklik xərçəngin xəbərçisidir

14 Aprel 2025 23:00
Baxış: 18 499
VTB-də minimal faiz dərəcəsi ilə nağd kredit 9.9%-dən
#DÜNYADA #CƏMİYYƏT #SAĞLAMLIQ

Dırnaqla bağlı aparılan araşdırma, dırnaqdakı qəribəliklərin xərçəng xəstəliyinin əlaməti ola biləcəyini üzə çıxarıb.

Milli.Az xəbər verir ki, alimlərin apardığı yeni araşdırma dırnaqdakı bəzi dəyişikliklərin bəzi xərçəng növlərinin erkən əlaməti ola biləcəyini göstərir.

Amerika Dermatologiya Akademiyasının məlumatına görə dırnaq üzərində yaranan tünd qəhvəyi və ya qara zolaqlar subunqal melanoma adlı nadir, lakin təhlükəli dəri xərçəngi növünün göstəricisi ola bilər.

Tədqiqatlar göstərir ki, subunqal melanoma hallarının təxminən 20-30%-i yanlışlıqla göbələk infeksiyası və ya travma kimi qiymətləndirilir və bu da erkən diaqnozu gecikdirir.

Bundan əlavə, Böyük Britaniyada yerləşən Xərçəng Araşdırmaları Mərkəzinin məlumatına görə, barmaq və ya dırnaq bölgəsində davamlı ağrı, qabarıqlıq və ya forma dəyişikliyi də bəzi hallarda sümüklə bağlı xərçəng növlərinin ilk əlaməti ola bilər.

Dırnaqda "Mees xətti" adlanan üfüqi ağ zolaqlar, bədənin ağır metalla zəhərlənməsi və ya daxili orqanlarda ciddi problemlərin göstəricisi ola bilər. Eyni zamanda, dırnaqların qalınlaşması və ya saralması ağciyər xərçəngi və ya limfa sistemi xəstəlikləri ilə də əlaqələndirilmişdir.

Mütəxəssislər bildirirlər ki, bu cür dırnaq dəyişiklikləri mütləq xərçəng demək olmasa da, ciddi sağlamlıq probleminin xəbərçisi ola bilər və vaxtında tibbi müayinədən keçmək həyati əhəmiyyət daşıyır.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.