Sağlamlıq

Quş qripi bu qidada sağ qalırmış - FOTO

19 Mart 2025 11:56

Baxış: 1 816

VTB-də minimal faiz dərəcəsi ilə nağd kredit 9.9%-dən

#QİDA #QUŞ QRİPİ #QİDA TƏHLÜKƏSİZLİYİ

HPA1 H5N1 quş qripi virusu çiy süddən pendir hazırlanması prosesini "sağ" keçirə bilər.

Milli.Az oxu.az-a istinadən xəbər verir ki, tədqiqatın nəticələri "bioRxiv" platformasında dərc olunub.

Alimlər izah ediblər ki, ABŞ-nin bəzi ştatlarında çiy südün satışı qadağandır, lakin 1949-cu ildən bəri çiy süddən hazırlanmış pendirin ən azı 60 gün saxlanma şərti ilə satılmasına icazə verilir. Bu müddət ərzində pendirdə təbii turşular və fermentlər əmələ gəlir ki, onların patogen mikroorqanizmləri məhv etdiyi düşünülür.

Mütəxəssislər yoxlamaq üçün fərqli turşuluq səviyyələrində (pH 6.6-dan 5.0-a qədər) mini-pendirlər hazırlayıb və onlara H5N1 virusunu əlavə ediblər. Daha sonra bu pendirlər döllənmiş toyuq yumurtalarına yeridilib və virusun nə qədər müddət yoluxucu qaldığı izlənilib. İlk yeddi gün ərzində virusun səviyyəsi yüksək qalıb, daha sonra iki azturşulu pendirdə azalma müşahidə edilib. Lakin ən turşulu mühitə malik pendirdə (pH 5.0) virus iki ay ərzində tamamilə yox olub.

"Tədqiqatımız göstərir ki, HPA1 H5N1 virusu pendir istehsalı prosesində gözlənilməz dərəcədə davamlıdır", - deyə alimlər bildiriblər.

Mütəxəssislər pendirin turşuluq səviyyəsinin artırılmasının onun daha təhlükəsiz hala gətirə biləcəyini qeyd ediblər.

Tədqiqatı şərh edən ABŞ səhiyyə naziri Robert Kennedi isə bildirib ki, qida məhsulları quş qripinin ötürülməsi baxımından təhlükəli deyil.

"Xəstəlik qida vasitəsilə ötürülmür, buna görə də yumurta, süd və ya ət yeyərək yoluxmaq mümkün deyil", - deyə nazir vurğulayıb.

Milli.Az