Sağlamlıq

Qoxuların insan beyninə təsiri: Nevroloqdan maraqlı açıqlama

9 Mart 2025 04:04

Baxış: 1 288

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Rusiyalı nevroloq Qalina Çudinskaya "İzvestiya"ya müsahibəsində qoxuların insan həyatında göründüyündən daha böyük bir rola malik olduğunu bildirib.

Milli.Az xəbər verir ki, onun sözlərinə görə, qoxular əhvali-ruhiyyə, konsentrasiya, yaddaş və hətta əmək qabiliyyəti üzərində mühüm təsir göstərir.

Mütəxəssisin fikrincə, müxtəlif qoxular müxtəlif təsirlər yaradır. Məsələn, limon, rozmarin, nanə, reyhan, adaçayı və evkalipt kimi qoxular konsentrasiyanı artırır və zehni fəaliyyəti stimullaşdırır. Əksinə, kəklikotu, lavanda və melisa kimi aromatlar stressin səviyyəsini azaldır və rahatlaşmağa kömək edir.

Çudinskaya 2017-ci ildə Cənubi Federal Universitetində aparılan bir araşdırmanın nəticələrini də xatırladıb. Araşdırma portağal efir yağının qoxusunun qısamüddətli vizual yaddaşı əhəmiyyətli dərəcədə yaxşılaşdıra bildiyini göstərib.

Nevroloq əlavə edib ki, məktəblilər və tələbələr üçün sinif otaqlarında stimullaşdırıcı qoxuların, məsələn, sitrus və ya nanə qoxularının istifadəsi mənimsəməni yaxşılaşdıra bilər. Eyni zamanda, istirahət yerlərində sakit atmosfer yaratmaq üçün rahatlaşdırıcı aromatlardan istifadə etmək daha uyğun olardı.

O, həmçinin qeyd edib ki, qoxu qabiliyyətinin itməsi ‒ anosmiya yalnız fiziki narahatlığa səbəb olmur, həm də ciddi stressə yol açır.

Asya
Milli.Az