Sağlamlıq

Çörəyi niyə dondurmalısınız? - Mütəxəssisdən İZAH

4 Fevral 2025 12:06
Baxış: 3 162
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Bəzən evdar qadınlar çörəyi dondurucuya qoyurlar. Bu, korlanmasının qarşısını almaq üçün edilir. Ancaq bu vərdiş həm də çörəyi daha sağlam edir.

Milli.Az xəbər verir ki, bunu qidalanma və qastroenterologiya üzrə ekspert Karen Alarkon bildirib.

Onun sözlərinə görə, çörəyin dondurulması onu xeyli faydalı edir. Xüsusilə, bu zaman daha az karbohidrat ehtiva edir.

"Çörəyi dondurub yenidən qızdırmaq üçün bir dilim çıxaranda karbohidratlar probiotik lifə çevrilir. Bu, nəinki mikrobiotanıza faydalı olacaq, həm də qanda qlükoza səviyyəsini tənzimləyəcək. Həmçinin, nişasta istilik altında daha yaxşı həzm olunur", - deyə mütəxəssis bildirib.

Bununla belə, çörək dondurulduqdan sonra daha az karbohidratlı olmasına baxmayaraq, yüksək kalorili olaraq qalır. Ona görə də buna laqeyd yanaşmaq olmaz.

Karen Alarkon dilimlənmiş çörəyi dondurmağı tövsiyə edir.

"Sadəcə dilimləri çıxarıb mikrodalğalı sobaya qoyun. Yadda saxlamaq lazımdır ki, bir dəfə qızdırılan çörəyi yenidən dondurmaq olmaz", - o vurğulayıb./lent.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.