"Yoluxucu xəstəliklərdən qorunmağın yolu yaxşı qidalanmadır" - AÇIQLAMA

Payız fəslinin astanasındayıq. Bu fəsil özü ilə birlikdə xəstəliklər də gətirir. Payızı xəstələnmədən keçərək, qışa daha sağlam çatmağın yolu düzgün qidalanmadır. Çünki düzgün qidalanma immunitet sistemini gücləndirir və xəstəlik ehtimalını azaldır. Eyni zamanda, mövcud xəstəliklərin sağalma sürətini də artırır.

Milli.Az bildirir ki, mövzu ilə bağlı big.az-a açıqlama verən qida təhlükəsizliyi hərəkatının rəhbəri, sağlam qidalanma mütəxəssisi Məhsəti Hüseynova bildirib ki, payız mövsümündə havaların soyuması immun sistemi aşağı olan insan üçün mövsümi xəstəliklərə yoluxma riskini daha da artırır:

"Bu da xüsusilə gənclər və məktəblilər arasında özünü göstərir. Bu dövürdə hər kəs sağlam qidalanmaya üstülük versə daha yaxşı olar. Bundan başqa fiziki aktivliyə və yuxu rejiminin yerində olmasına da önəm verilməlidir. Çünki, orqanların normal işləməsi üçün qidalanma ilə birgə fiziki aktivlik və yuxu rejiminin normal olması əsas şərtdir. Lakin evdən kənarda olanlar xüsusilə gənclər qidalanmalarına və yuxu rejiminə diqqət etmirlər. Əksinə məktəb və ya universitetdə satılan mənşəyi bəlli olmayan qidalardan istifadə edirlər. Bunu qeyd etməliyəm ki, bu cür qidalar birmənalı şəkildə insan orqanizmində qarşısı alınmayacaq ciddi fəsadlar törədir və inkişafı ləngidir".

Məhsəti Hüseynova vurğulayıb ki, qidalanmada 25 yaşa qədər olan insanlar makro və mikro elementlərlə zəngin qidalara önəm verməlidirlər:

"Çünki, müntəmadi olaraq istifadə edilən paketlənmiş qidalar və qazlı rəngli içkilər orqanizimdə vitamin və mineral, həmçinin böyrək və qaraciyər çatışmazlığına gətirib çıxarır. Qeyd etməliyəm ki, payız mövsümündə quru və yaş meyvələrdən, sulardan istifadə çox vacibdir. Antioksidant qaynaqlı qidalar süfrədən əskik olmamalıdır. Sentyabr ayı Omeqa-3 sağlam yağlar baxımından da məhsuldar dövrdür. Qəlyanaltılarınıza təzə qoz və fındıq əlavə etmək yaxşı olardı. Yüksək protein tərkibi ilə vegetarianlar tərəfindən tez-tez istehlak edilən göbələk payızla birlikdə qızıl dövrünü də yaşayır. Təmizləmə və çeşidləmə çətinliyini azaltmaq üçün böyük miqdarda göbələkləri sote edib dondura bilərsiniz".

Milli.Az

Xəbərlərimizi WhatsApp kanalımızdan da oxuyun