Sağlamlıq

Sağlam qocalmaq üçün nə etməliyik?

8 Avqust 2024 04:04

Baxış: 1 548

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Harvard Tibb Məktəbinin alimləri müəyyən ediblər ki, on insandan yalnız bir nəfər sağlam qocalır. Eyni zamanda, qadınların sağlam qocalma şansı kişilərdən 29% daha artıqdır.

Milli.Az oxu.az-a istinadən bildirir ki, tədqiqatçılar səmərəli və sağlam qocalmağa kömək edən dörd əsas amili müəyyən ediblər: xroniki xəstəliklərin mövcud olmaması, sabit psixiki vəziyyət, zehni aktivliyin qorunub saxlanması və müntəzəm sosial əlaqə.

Məlum olub ki, iştirakçıların yalnız 11.9%-i (demək olar ki, hər on nəfərdən biri) bu meyarlara cavab verib. Alimlər həmçinin hesablayıblar ki, düzgün həyat tərzi keçirənlərin sağlam qocalma ehtimalı 3.5 dəfə çoxdur. Sağlam həyat tərzi dedikdə balanslaşdırılmış qidalanma, müntəzəm fiziki hərəkət, siqaretdən imtina və spirtli içkilərin orta dərəcədə istehlakı nəzərdə tutulub.

Tədqiqat qadınların kişilərlə müqayisədə sağlam qocalma ehtimalının 29% daha çox olduğunu müəyyən edib. Həmçinin, yüksək təhsil və gəlir səviyyəsi 50 yaş və yuxarı yaşda insanların daha sağlam olmaları ilə əlaqələndirilir.

Milli.Az

Xəbərlərimizi WhatsApp kanalımızdan da oxuyun