Sağlamlıq

Onlayn satılan saç serumları hansı xəstəliklərə səbəb olur?

30 Mart 2024 16:30

Baxış: 1 050

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK #HƏKİM

Son zamanlar sosial şəbəkələrdə həkim məsləhəti olmadan, sadəcə reklam xarakterli onlayn satılan saç serumlarının insanların böyük marağına səbəb olduğunu müşahidə edirik. Öncə xüsusi alət vasitəsilə saç olmayan nahiyələr deşilir, sonra isə həmin serum vasitəsilə masaj edilir. Amma istifadəçilər bu dərmanların xeyrindən çox ziyanı olduğunu bildirirlər.

Milli.Az Baku TV-yə istinadən xəbər verir ki, trixoloq Məlahət Qəhrəmanova özbaşına müalicə üsulunun mənfi tərəflərini belə izah edib:

"Müalicə olunmadan öncə mütləq daxili orqanları nəzərə almaq lazımdır. Vitamin çatışmazlığı, mədə-bağırsaq xəstəlikləri, hormonal problemlər saç tökülməsinə gətirib çıxara bilər. Saçın dibinə serum, yaxud hansısa yağı sürtməklə onu müalicə etmək mümkün deyil. İstifadə olunan həmin vasitələr tükün dibində tıxac yaradaraq saçın daha da tökülməsinə səbəb olur".

Trixoloq onu da bildirib ki, dərisində qabıq, yağlılıq, sızanaq və sebariya kimi problemi olan xəstələr bu saç serumlarından istifadə etdikdə allergik həssaslıq yaranır və tökülmə daha da sürətlənir.

Milli.Az

Xəbərlərimizi WhatsApp kanalımızdan da oxuyun