Öd kisəsi bir kisə şəkilli orqandır. Qaraciyərin altında yerləşir və qaraciyərdə istehsal olunan ödü öz içində depolayır.
Maraqlıdır, görəsən, öd kisəsi olmadan insan yaşaya bilərmi?
Milli.Az lent.az-a istinadən bildirir ki, həkim Elgün Səmədovun fikrincə, insan ödsüz yaşaya bilməz, amma öd kisəsiz insanlar yaşayır.
Onun sözlərinə görə, əgər insanın öd kisəsi yoxdursa, demək depo funksiyası olmayacaq:
"Qaraciyərdə öd sintezlənəcək, o öd gəlib bağırsağın içində yeməklə qovuşacaq. Depo olmadığı üçün öd kisəsi əməliyyatı keçirmiş insanlar çox yemək yeyərsə, həzmsizlik, köplük, şişlik halları yaşaya biləcək. Öd kisəsi çıxarılmış insanlar yeməyi az-az yeməlidir. Qaraciyəri gücə salmayan dietik yeməklər istehlak etməlidir. Gündə 5-6 dəfə qidalanmalıdır. Bununla onlar öd kisəsinin olmamasının əziyyətini çəkməzlər".
Milli.Az