Sağlamlıq

Yuxu iflici nədir? - Cadu, yoxsa cin vurması?

10 İyun 2023 22:12
Baxış: 2 675
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #CADU

Bu halı çox adam yaşayıb. Dəhşətli yuxu görürsən yuxuda olduğunu anlasan da, hərəkət edə və ya danışa bilmirsən. Yuxudaykən kiminsə səni vurduğunu düşünürsən, otaqda kiminsə varlığını hiss edirsən. Özünü ölmüş hiss etmək yuxu iflici hadisəsinin məşhur əlamətlərindən biridir. İnsan özünü ölü bədəndə qalmış şüur kimi hiss edir. Yaranmış panika nəticəsində isə heç cürə yuxudan ayıla bilmir. Bu adətən nəfəs almaqda çətinlik, ölüm hissi, həddindən artıq tərləmə, skelet əzələsinin müvəqqəti və ya qismən iflici ilə müşayiət olunur. Xalq arasında bu hala "cin vurması, kabus, cadulu olmaq" da deyilir. Lakin tibb elmi bu terminin adını yuxu iflici adlandırır. 

Milli.Az lent.az-a istinadən bildirir ki, yuxu iflici ilk dəfə 14-17 yaş arası insanlarda, yəni, yeniyetməlik dövründə müşahidə olunur. Çox vaxt 30 yaşa qədər görünə bilər. Tədqiqatlar insanların 5 faizinin müntəzəm, 40 faizinin isə, tez-tez yuxu iflicindən əziyyət çəkdiyini müəyyən edib. Yenidən yuxuya getdiyiniz və ya tamamilə oyandığınız zaman yox olan yuxu iflici bir neçə saniyədən bir neçə dəqiqəyə qədər davam edə bilər.

Bir çox insanlarda yuxu iflici o qədər sürətli baş verir ki, bunu yuxu kimi tez unudurlar. Bəzən isə kabus aylarla təkrarlana bilir. 

İnsan yatarkən beyin və skelet sistemi xüsusi rejimə keçir. Rast gəlinən yuxu iflici xəstəlik deyil. Ancaq bu hansısa xəstəlik səbəbindən və ya müxtəlif xəstəliklər nəticəsində baş verə bilər. Yuxu iflicinin ən təhlükəli tərəfi narahatlıq və panikaya səbəb olmasıdır.

Bəzən yuxu iflici və buna bənzər vəziyyətlər nevroloji pozğunluqdan qaynaqlana bilər. Əgər tez-tez yuxu ifliciniz varsa, iflicin müddəti uzundursa və həyat keyfiyyətinizə təsir edəcək həddə çatıbsa, həkimə müraciət edin.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.