Abşerondakı bu məktəbə bit düşüb?

Abşeron rayonunun Qobu qəsəbəsi 3 nömrəli məktəbdə bit yayıldığına dair iddialar yayılıb.

Milli.Az Xəzər TV-yə istinadən bildirir ki, şagirdlər bu halla bağlı müəllimlər tərəfindən də təlimatlandırılıblar.

Məktəbin yuxarı sinif şagirdləri isə bildiriblər ki, sözügedən durum daha çox ibtidai siniflərdə yayılıb.

Məktəbdən verilən açıqlamada isə iddialar təkzib olunub. 

Ərazi üzrə təhsil idarəsinin açıqlamasında isə məktəbdə sanitar vəziyyətin nəzarətdə saxlanılması üçün mütəmadi profilaktik tədbirlərin görüldüyü qeyd olunub.

Xatırladaq ki, ötən tədris ilində də Sumqayıt şəhəri 14 nömrəli orta məktəbdə sinif otaqlarını bit-birə basması ilə bağlı iddialar yayılmışdı.

Milli.Az