Övladı bu il birinci sinfə gedəcək valideynlərin NƏZƏRİNƏ

Bu ayın sonunda şagirdlərin yerləşməsi ilə bağlı proqram təminatı istifadəyə veriləcək.

Milli.Azxəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov jurnalistlərə açıqlamasında deyib.

O qeyd edib ki, on beş gün ərzində proqram artıq istifadəyə veriləcək.

"Yaxın günlərdə Sumqayıt şəhəri və Abşeron rayonunda üstünlük verilən məktəblərin siyahısı elan ediləcək. Sıxlıq olan ərazilərdəki məktəblərə ora yaxın ərazilərdə yaşayan uşaqların qəbulundan sonra yer qalarsa digər uşaqlar üçün də qəbul elan ediləcək. Valideynlər indidən məktəb seçiminə başlasınlar", - deyə o qeyd edib.

Milli.Az