Təhsil

Nazirdən Nəcibə Axundova ilə bağlı açıqlama

25 Noyabr 2022 17:16
Baxış: 919

Elm və təhsil naziri Emin Əmrullayev haqqında bəzi neqativ hallar olan məktəb direktorlarının daha çox şagirdin təhsil aldığı məktəbdən daha az şagird sayı olan məktəbə direktor təyin olunması ilə bağlı məsələyə münasibət bildirib.

Milli.Az qafqazinfo-ya istinadən xəbər verir ki, o, bu halın istisna olduğunu bildirib:

"45 nömrəli məktəbin direktorunun 34 nömrəli məktəbə direktor təyin olunması istisna haldır. Məktəb direktoru təyin olunanda onun əvvəlki təcrübəsini nəzərə alıb məktəb tapırıq. Yeni dövrdə adətən bir illik təyin olunur, sonra bu daha bir il uzadılır. Sonra isə nəticələrə baxılır. Direktorla bağlı neqativ hal olanda araşdırılır. Bu mənim üçün də, cəmiyyət üçün də səhv qərar deyil, istisnadır. Bütün hallarda belə olacaq deyə bir şey yoxdur. Hesab edirəm cəmiyyət bu qərarı anlayışla qarşılayacaq. Həmin direktorla söhbət aparılıb və o bundan nəticə çıxaracaq".

Qeyd edək ki, bir müddət əvvəl qalmaqallı səs yazısı ilə gündəmə gələn 45 nömrəli tam orta məktəbin (1300 şagird yerlik) direktoru Nəcibə Axundova tutduğu vəzifədən azad olunaraq 34 nömrəli tam orta məktəbin (523 şagird yerlik) direktoru vəzifəsinə yerdəyişmə edilib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics