İqtisadiyyat

Azərbaycanda 240 meqavatt gücündə külək elektrik stanasiyasının tikintisinin başlayacağı vaxt açıqlanıb

11 Noyabr 2021 12:48

0 Şərh Baxış: 1 210

VTB-də minimal faiz dərəcəsi ilə nağd kredit 9.9%-dən

Bu ay Səudiyyə Ərəbistanından nümayəndə heyətinin 240 meqavatt gücündə külək elektrik stanasiyasının təməlqoyma mərasmində iştirak üçün Azərbaycana səfəri gözlənilir.

Milli.Az Trend-ə istinadən bildirir ki, bunu energetika naziri Pərviz Şahbazov "Asharq Al-Awsat" nəşrinə müsahibəsində deyib.

"Biz Səudiyyə Ərəbistanının "ACWA Power" şirkəti ilə 240 meqavatt gücündə külək elektrik stansiyasının tikintisi ilə bağlı saziş imzalamışıq. Elektrik stansiyasının böyük gücü təkcə Azərbaycanda deyil, həm də regionun bütün ölkələrində bərpa olunan enerji mənbələrinin inkişafı üçün vacibdir. Bu ay Səudiyyə Ərəbistanından nümayəndə heyətinin külək elektrik stanasiyasının təməlqoyma mərasmində iştirak üçün Azərbaycana səfəri gözlənilir. Yaxın zamanlarda nümayəndə heyəti üzvləri ilə iqtisadi əməkdaşlığın genişləndirilməsi yollarını müzakirə etməyə ümid edirik".

Xatırladaq ki, qoyuluş gücü 240 MVt olan külək elektrik stansiyası layihəsi ilə bağlı müvafiq müqavilələr Energetika Nazirliyi və "Azərenerji" ASC ilə "ACWA Power" şirkəti arasında ötən ilin 29 dekabr tarixində imzalanıb.

Milli.Az